Пад паэтычным крылом
24 лютага 2025 года студэнты і магістранты філалагічнага факультэта, а таксама члены літаратурнага клуба “Наднёманскія галасы” прынялі ўдзел у паэтычным вернісажы “Табе, Alma-mater, я песню складаю».
У чытальнай зале Навуковай бібліятэкі ўніверсітэта сабраліся тыя, каго прывабіла паэтычнае слова, хто натхняецца творчасцю класікаў нашай літаратуры.
У дні, калі адзначаецца юбілей ўніверсітэта, аб’ектам паэтычнага захаплення стала наша навучальная ўстанова, у гонар якой прагучалі пранікнёныя словы і маладых, і сталых аўтараў.
Творчая сустрэча распачалася з выступлення выпускніцы ўніверсітэта, аўтаркі верша “Купалавец” Вікторыі Смолкі, якая прэзентавала прысутным свае новыя творы, прысвечаныя ўстанове-юбіляру і моладзі Гродзеншчыны.
Створаны паэтычны настрой падтрымалі выступленні ўдзельнікаў літаратурнага клуба “Наднёманскія галасы” студэнтаў-філолагаў В.Навіцкай, В. Гук, М. Краснюк, студэнта факультэта эканомікі і кіравання В.Бурага, кіраўніка клуба С.М.Тарасавай.
Шаноўным госцем на паэтычным вернісажы стала Людміла Кебіч, кіраўнік Гродзенскага аддзялення Саюза пісьменнікаў Беларусі.
