Новыя педагагічныя тэхналогіі ў выкладанні літаратуры
Філалагічны факультэт паспяхова працягвае працу ў рэчышчы практыка-арыентаванага навучання студэнтаў. За апошні год год студэнты мелі магчмасць не аднаразова наведаць лепшыя навучальныя ўстановы г.Гродна.
І вось 6 снежня студэнты 4 курса спецыяльнасці “Беларуская філалогія” ў рамках вывучэння спецкурса “Новыя педагагічныя тэхналогіі ў выкладанні літаратуры” зноў разам са старшым выкладчыкам кафедры беларускай філалогіі Тарасавай С.М. наведалі адкрыты ўрок настаўніцы беларускай мовы і літаратуры УА “СШ №12 г. Гродна” Прышчэпчык Святланы Пятроўны. Выкладчыца падзялілася вопытам працы па выкарыстанні шматмернай дыдактычнай тэхналогіі на ўроку беларускай літаратуры ў 5 класе. Студэенты змаглі не толькі быць прысутнымі на ўроку, але і самі паспрабавалі ўдзельнічаць у выкананні ннекаторых заданняў, што, безумоўна, давала магчымасць больш глыбока асэнсаваць прынцыпы навучання.
СШ №12 стала супрацоўнічае з філалагічным факультэтам, яна гасцінна прымае студэнтаў на педагагічную практыку, дзе будучыя настаўнікі маюць магчымасць пад кіраўніцтвам вопытных выкладчыкаў аддочваць сваё педагагічнае майстэрства.
